Празрыстасць і адкрытасць умоў маніторынгу адзначалі ўсе без выключэння замежныя спецыялісты, з якімі на працягу дня паспелі пагутарыць карэспандэнты Агенцтва тэленавін.
Большасці з міжнародных назіральнікаў ёсць з чым параўноўваць ход цяперашніх выбараў у Беларусі, бо неаднаразова выконвалі ганаровую місію ў шматлікіх краінах свету, ды і ў Беларусі шматлікія працуюць не ўпершыню.
Справядлівасць і аб'ектыўнасць падчас маніторынгу за парламенцкімі выбарамі ў Беларусі - вось галоўная задача міжнародных назіральнікаў, - упэўнены намеснік дырэктара дэпартамента гуманітарнага супрацоўніцтва агульнапалітычных і сацыяльных праблем Выканкама СНД Размік Хумаран. Свой працоўны дзень ён пачаў з адкрыцця выбарчых участкаў у Гомелі.
У якасці назіральнікаў на выбарах былі акрэдытаваныя і 65 прадстаўнікоў дыпламатычнага корпуса ў Беларусі.
Выбары ў Беларусі праходзяць для беларусаў! Менавіта такі карэктны пасыл гучыць з вуснаў большасці назіральнікаў. Выбаршчыкі дэманструюць высокую актыўнасць, а значыць, разумеюць адказнасць за свой выбар і вераць у будучыню. А гэта і ёсць вызначальны паказчык у ацэнцы выбараў.
Еўрапейцы традыцыйна ўстрымоўваюцца ад каментарыяў непасрэдна ў дзень галасавання. Папярэднія ацэнкі і высновы прагучаць ужо ў панядзелак падчас пашыранай прэс-канферэнцыі для прэсы місіі БДІПЧ АБСЕ. Дарэчы, па колькасці прадстаўленых назіральнікаў дадзеная місія сёлета перавысіла паказчык СНД.