Перспектывы ўзаемадзеяння краін "Усходняга партнёрства" і Еўрасаюза абмеркавалі Уладзімір Макей і Алівер Вархелі

Перспектывы бязвізавага рэжыму паміж Еўрасаюзам і Беларуссю, а таксама праект "мяжа за гадзіну" - сутнасць якога ў паскарэнні працэдур праходжання памежнага кантролю - абмеркавалі сёння на відэаканферэнцыі Міністр замежных спраў Беларусі Уладзімір Макей і Еўрапейскі камісар па пытаннях суседства і пашырэння ЕС Алівер Вархелі. 

Не абышлі бокам і пытанні нарошчвання інвестыцый ЕС, а таксама стварэння рабочых месцаў у краінах-партнёрах, у тым ліку, шляхам рэалізацыі праектаў па лініі міжнародных фінансавых інстытутаў. Уладзімір Макей выступіў за павышэнне ўзаемазвязанасці паміж Еўрапейскім саюзам і краінамі-партнёрамі, спрыяць чаму можа падаўжэнне трансеўрапейскіх транспартных сетак, а таксама распрацоўка плана энергетычных злучэнняў паміж Еўрасаюзам і краінамі "Усходняга партнёрства".