Сёння пра гэта гаварылі на пасяджэнні сесіі Савета Рэспублікі. У адпаведнасці з дэкрэтам № 1, значэнні прагнозных паказчыкаў устанаўліваюцца паквартальна на раённым узроўні. Ужо хутка спецыяльныя камісіі на месцах будуць мець пералік цяжкіх жыццёвых сітуацый, пры наяўнасці якіх магчыма выключаць з базы працаздольных грамадзян, не занятых у эканоміцы.
Ірына Старавойтава, старшыня Пастаяннай камісіі Савета Рэспублікі Нацыянальнага сходу Беларусі: "Асновай дэкрэта з'яўляецца ідэя аб тым, каб кансалідавана вырашаць задачы садзейнічання занятасці насельніцтва. Гэта, у першую чаргу, вырашэнне тых пытанняў аб працаўладкаванні людзей, якія апынуліся ў цяжкай сітуацыі. Гэта стварэнне новых рабочых месцаў і прымяненне мер да людзей, якія не хочуць ажыццяўляць працоўную дзейнасць і вядуць асацыяльны лад жыцця".
Першы спіс не занятых у эканоміцы сфарміруюць да 1 снежня. Уключаныя ў яго грамадзяне будуць аплачваць па поўных тарыфах гарачае водазабеспячэнне з 1 студзеня, газазабеспячэнне пры наяўнасці індывідуальных газавых абагравальных прыбораў і цеплазабеспячэнне з 1 кастрычніка 2019.
