Уладзімір Макей сустрэўся з пасламі па асаблівых даручэннях краін ЕС па справах "Усходняга партнёрства"

22 мая 2018

Беларусь заклікала Еўрасаюз адмяніць абмежавальныя меры, якія застаюцца. Гэта сёння заявіў кіраўнік МЗС нашай краіны Уладзімір Макей на сустрэчы з пасламі па асаблівых даручэннях краін ЕС па справах "Усходняга партнёрства". Міністр падкрэсліў - пазітыўнае супрацоўніцтва за апошнія гады прынесла значна больш станоўчых вынікаў, чым папярэднія два дзесяцігоддзі санкцый. Уладзімір Макей таксама павітаў намеры ЕС пашыраць адносіны з Мінскам, паставіўшы іх на структураваную аснову. Напрыканцы мая кіраўнік знешнепалітычнага ведамства наведае з рабочым візітам Брусель. Таксама міністр пракаменціраваў нядаўнюю заяву літоўскага калегі, які непахвальна адклікаўся аб беларускім суверэнітэце і абвінаваціў Мінск у залежнасці ад трэціх краін.