Гаварылі наконт мінскіх пагадненняў і ў Польшчы, дзе з афіцыйным візітам знаходзіцца парламенцкая дэлегацыя Беларусі на чале са старшынёй Савета Рэспублікі Міхаілам Мясніковічам. Варшава высока ацэньвае ўклад Мінска ва ўрэгуляванне сітуацыі на ўсходзе Украіны. На думку кіраўніка МЗС, неабходна падтрымліваць гэты дакумент.
Польшча таксама падтрымлівае працэс паляпшэння адносін Беларусі і ЕС. Акрамя таго, Варшава зацікаўлена ў хутчэйшым падпісанні пагаднення аб спрашчэнні візавага рэжыму. Сёння пройдуць сустрэчы беларускай парламенцкай дэлегацыі з прэзідэнтам Польшчы Анджэем Дудам і прэм'ер-міністрам Матэвушам Маравецкім. Асаблівая ўвага - ролі парламенцкага вымярэння ва ўмацаванні беларуска-польскіх адносін. Чакаецца падпісанне двухбаковага дагавора аб сацыяльным забеспячэнні.
