Беларусь адзін з лідараў працэсу па процідзеянні тэрарызму ў галіне новых тэхналогій. Пра гэта заявіў кіраўнік контртэрарыстычнага ўпраўлення ААН Уладзімір Варанкоў, падводзячы вынікі міжнароднай канферэнцыі па барацьбе з тэрарызмам. На мінскай пляцоўцы вядучыя сусветныя эксперты абмеркавалі ролю сацыяльных сетак і інтэрнэт-платформ у спрыянні міжнароднаму тэрарызму, успомніўшы масавыя расстрэлы ў Новай Зеландыі. Разгледзелі спосабы процідзеяння - прапаганды "сусветнага зла" і прымянення тэрарыстамі новых тэхналогій і штучнага інтэлекту. Галоўны вынік канферэнцыі - наладжванне трывалага ўзаемадзеяння па асабліва адчувальных пытаннях контртэрарыстычнага парадку дня паміж спецыялізаванымі службамі краін-удзельніц.
У. Варанкоў: Беларусь адзін з лідараў працэсу па процідзеянні тэрарызму ў галіне новых тэхналогій
4 сентября 2019