У Віцебскай вобласці пасведчанні аб рэгістрацыі кандыдатам у дэпутаты атрымалі 65 чалавек

12 Жніўня 2016

На адно дэпутацкае крэсла ў рэгіёне прэтэндуюць па чатыры чалавекі. Усяго ж акруговыя камісіі паўночнага рэгіёна разгледзелі 86 заяў. У выніку дваццаці аднаму патэнцыяльнаму кандыдату было адмоўлена.

Дзмітрый Хома, старшыня Віцебскай абласной выбарчай камісіі па выбарах дэпутатаў Палаты прадстаўнікоў Нацыянальнага сходу Беларусі: "Асноўнымі прычынамі адмовы з'явіліся несапраўдныя подпісы ў падпісных лістах, непаведамленне дакладных звестак у дэкларацыі аб даходах і ігнараванне патрабаванняў заканадаўства ў частцы прад'яўлення поўнага камплекта дакументаў".

У Віцебскай вобласці зарэгістраваныя кандыдаты ўжо вызначыліся з часам выступленняў на радыё і тэлебачанні. Кожнаму з іх бясплатна дадзена па пяць хвілін тэле- і радыёэфіру, а таксама час для тэледэбатаў. І ўжо сёння кандыдаты ў спецыяльна адведзеных месцах могуць планаваць першыя сустрэчы з выбаршчыкамі.