У сталіцы з візітам знаходзіцца дэлегацыя Пензенскай вобласці на чале з яе губернатарам Васілём Бачкаровым. Сёння раніцай госці ўсклалі вянкі і кветкі да манумента на плошчы Перамогі. Дэлегаты ўшанавалі памяць загінуўшых падчас Вялікай Айчыннай вайны.
У дзелавой праграме дэлегацыі - наведванне МАЗа, МТЗ і прадпрыемства Амкадор, знаёмства з працай Парка высокіх тэхналогій і навукова-практычных цэнтраў ў галіне медыцыны і сельскай гаспадаркі. Таксама кіраўнік Пензенскага рэгіёну правядзе шэраг перамоў на вышэйшым узроўні.
