У пункце Пятроўскае ў Данбасе Украіна і самаабвешчаная ДНР сёння пачалі развод войскаў

У населеным пункце Пятроўскае ў Данбасе Украіна і самаабвешчаная ДНР сёння пачалі развод войскаў. За працэсам назіралі прадстаўнікі АБСЕ. Пасля Станіцы Луганскай і Залатога - сяло Пятроўскае - гэта апошні пункт на лініі судотыку, дзе развод сіл неабходна было зрабіць у рамках заключаных раней у Мінску дамоўленасцяў. Пасля падпісання Кіевам "формулы Штайнмаера" і пасля заканчэння разводу сіл на ўсіх участках фронту ніякіх фармальных перашкод для правядзення сустрэчы ў "нармандскім фармаце" не застанецца. Падчас саміту лідары Францыі, Германіі, Украіны і Расіі яшчэ раз паспрабуюць знайсці спосаб урэгулявання канфлікту на ўсходзе Украіны.