У Мінску адбудзецца апошняе ў адыходзячым годзе пасяджэнне кантактнай групы

Сёння ў Мінску адбудзецца апошняе ў адыходзячым годзе пасяджэнне кантактнай групы па ўрэгуляванні канфлікту на ўсходзе Украіны. Сустрэча пройдзе на фоне напружанасці на лініі судотыку ў Данбасе і ва ўкраінска-расійскіх адносінах. Зрэшты, перад навагоднімі і каляднымі святамі бакі пастараюцца прыняць любыя меры па нармалізацыі сітуацыі ў сферы бяспекі ў рэгіёне. Чакаецца, што будзе падпісаны дагавор аб новым перамір'і. Акрамя таго, удзельнікі кантактнай групы разгледзяць пытанне абмену палоннымі.