З нагоды прыбыцця Сяргея Шайгу ў беларускую сталіцу адбылася цырымонія афіцыйнай сустрэчы - Рота ганаровай варты і гімны абедзвюх краін. Затым пачаліся перамовы Міністра абароны Беларусі Юрыя Жадобіна з расійскім калегам у фармаце адзін на адзін. Галоўныя тэмы - функцыянаванне рэгіянальнай групоўкі войскаў і сумеснай дзейнасці ў галіне радыяцыйнай, хімічнай і біялагічнай абароны.
Двухбаковае ўзаемадзеянне Беларусі і Расіі ў ваеннай сферы носіць стратэгічны характар. Краіны сумесна падтрымліваюць бяспеку Саюзнай дзяржавы, рыхтуюць узброеныя сілы і правяраюць на практыцы іх баяздольнасць. Сёлета запланаваныя сумесныя вучэнні Беларусі і Расіі Захад-2013.
У гэтыя хвіліны ваеннае супрацоўніцтва дзвюх краін абмяркоўваюць Прэзідэнт Беларусі Аляксандр Лукашэнка і Міністр абароны Расіі Сяргей Шайгу. Падрабязнасці сустрэчы ў наступных выпусках.
