У Мінску з афіцыйным візітам знаходзіцца міністр замежных спраў і знешняга гандлю Венгрыі

Мінск - Будапешт: супрацоўніцтва з акцэнтам на эканоміцы. У беларускай сталіцы з афіцыйным візітам знаходзіцца міністр замежных спраў і знешняга гандлю Венгрыі Петэр Сіярта. Запланаваны перамовы ва ўрадзе і з кіраўнікамі розных міністэрстваў і ведамстваў. На сустрэчы з кіраўніком МЗС асаблівая ўвага будзе нададзена ўзаемадзеянню Беларусі з Еўрапейскім саюзам. Па выніках чакаецца падпісанне шэрагу двухбаковых дакументаў. Адзначым, Венгрыя ўваходзіць у лік 30 асноўных гандлёва-эканамічных партнёраў нашай краіны. Двухбаковы абарот тавараў і паслуг штогод перавышае 200 мільёнаў долараў ЗША.