Сёння апоўдні ў Мінску пачаліся пасяджэнні рабочых падгруп кантактнай групы па ўрэгуляванні сітуацыі ва Украіне. Пасяджэнні ідуць у закрытым для прэсы фармаце. Нагадаем, на папярэднім пасяджэнні кантактнай групы па Украіне, якое прайшло 22 мая, было прынята рашэнне, што падгрупы па палітычных, эканамічных, гуманітарных пытаннях і пытаннях бяспекі павінны сабрацца ў адзін дзень. Плануецца, што пасля пасяджэння рабочых падгруп пачне сустрэчу трохбаковая кантактная група па ўрэгуляванні крызісу ва Украіне.
