Пытанні міграцыйнай палітыкі Беларусі і Расіі абмеркавалі на пасяджэнні міжведамаснай працоўнай групы. З афіцыйным візітам у Мінску знаходзіцца група ФМС Расійскай Федэрацыі. І адна з тэм сустрэчы - гэта агульная міграцыйная прастора. У прыватнасці, неабходна адзінае меркаванне па шматлікіх пунктах. Адзіную палітыку беларуская і расійская міграцыйныя службы праводзяць і па механізме перасялення ўкраінцаў. На дадзены момант у нашай краіне знаходзяцца 30 тысяч чалавек з украінскай зоны канфлікту. Пры гэтым у МУС прывялі некаторыя лічбы: 150 украінцаў атрымалі статус бежанца ў Беларусі, прыкладна 780 заяў аб атрыманні такога становішча зараз разглядаюцца. І 444 украінцы звярнуліся ў дэпартамент з хадайніцтвамі аб набыцці беларускага грамадзянства.
Аляксей Бягун, начальнік Дэпартамента па грамадзянстве і міграцыі МУС Беларусі: У рамках падрыхтаванага плана адбываецца інфармацыйны абмен аб бягучым стане спраў, стратэгічных мерах, якія прымаюць адны і другія органы па рэгуляванні сітуацыі, па заканадаўчых мерах, таксама рэгламент аб перасяленні грамадзян Украіны з адной дзяржавы ў другую пры ўдзеле зацікаўленых кампетэнтных органаў.
Таксама ў рамках пасяджэння бакі абмеркавалі пытанні па супрацоўніцтве ў сферы барацьбы з незаконнай міграцыяй. Распрацаваны план правядзення аператыўна-прафілактычнага мерапрыемства Нелегал.
