У Мінску абралі прадстаўнікоў у Савет Рэспублікі

Гэта восем сенатараў, якія будуць прадстаўляць сталіцу ў верхняй палаце беларускага парламента сёмага склікання.
Пасяджэнне дэпутатаў Мінгарсавета адбылося ў гарадской ратушы. Кандыдаты пералічылі асноўныя пункты сваіх праграм. Сярод іх рост якасці і ўзроўню жыцця беларусаў, далейшая пабудова моцнай і незалежнай дзяржавы, яе прасоўванне на міжнароднай арэне. Затым прайшло галасаванне, па выніках якога ўсе 8 кандыдатаў атрымалі адабрэнне дэпутатаў Мінгарсавета. Абраныя члены Савета Рэспублікі прадстаўляюць самыя розныя прафесійныя сферы: ад эканомікі і юрыспрудэнцыі да навукі і медыцыны.