Прамым рэйсам з Кішынёва ў Мінск прыляцела ўрадавая дэлегацыя Малдовы на чале з прэм'ер-міністрам.
Павел Філіп правёў перамовы ў Доме ўрада са сваім беларускім калегам. Гандаль паміж краінамі сёння на ўздыме. Але партнёры гатовыя браць новыя вышыні, галоўным чынам - у сельскай гаспадарцы і прамысловасці. Паспяхова працуе сумесны праект па зборцы тралейбусаў у Кішынёве. Але для Белкамунмаша гэта верагодна не фінальны пункт, заявілі сёння на сустрэчы. Бакі абмяркоўваюць ідэю стварэння новага сумеснага прадпрыемства.
