У Мінск па бізнес-супрацоўніцтва. Сёння ў мэрыі прайшла сустрэча з дэлегацыяй Чанчуня. У беларускую сталіцу прыехалі прадстаўнікі кіраўніцтва кітайскага горада і бізнесмены для ўдзелу ў эканамічных форумах. Супрацоўніцтва у гандлёвай, навукова-тэхналагічнай сферах, а таксама культуры і адукацыі. Спектр двухбаковага ўзаемадзеяння пашыраецца.
Бай Сюйгуй, намеснік мэра г. Чанчунь (Кітай): Патрэбна развіваць усебаковае супрацоўніцтва паміж 2 гарадамі. Гэта мой першы візіт у Мінск. Я хачу выкарыстаць гэтую магчымасць, каб пазнаёміцца з беларускай культурай, у тым ліку, з гісторыяй Мінска, традыцыямі і нацыянальнай кухняй.
Паміж Чанчунем і Мінскам не толькі дзелавыя адносіны, але і сяброўскія. Больш за 20 гадоў яны з'яўляюцца гарадамі-пабрацімамі. Гэты візіт кітайскай дэлегацыі прадоўжыцца два дні.