У Казахстане пройдзе сесія Савета АДКБ. Зараз там завяршаецца маштабная падрыхтоўка да сустрэчы кіраўнікоў дзяржаў. Пытанні прапрацоўваюцца на комплексным саміце - на ўзроўні міністэрстваў і ведамстваў краін АДКБ. Дыялог прадуктыўны. Як адзначыў сёння міністр замежных спраў Уладзімір Макей на сустрэчы са сваім кыргызскім калегам, Беларусь высока цэніць намаганні Кыргызстана па здыманні супярэчнасцяў паміж цэнтральнаазіяцкімі рэспублікамі. Гэта спрыяе стабільнасці і бяспецы ў рэгіёне. Дарэчы, гэта першы асабісты дыялог міністраў пасля нядаўняга прызначэння Чынгіза Айдарбекава на высокую пасаду. Міністры выказалі ўпэўненасць, што і ў эканоміцы краінам атрымаецца вярнуць высокі тэмп мінулага года і па тавараабароце выйсці на мяжу ў 100 мільёнаў долараў. Як адзначылі кіраўнікі знешнепалітычных ведамстваў, для гэтага на ўзроўні прэзідэнтаў і ўрадаў зроблена ўсё неабходнае. У прыватнасці, актыўна развіваюцца сумесныя прадпрыемствы. Нішто не перашкаджае пастаўкам сельскагаспадарчай і камунальнай тэхнікі. Высокі ўзровень супрацоўніцтва падмацаваны сур'ёзнай прававой базай.
Асаблівую ўвагу на сесіі АДКБ плануюць надаць пытанням бяспекі ў інфармацыйнай і кіберпрасторы, антытэрору і процідзеянню наркатрафіку. Як адзначаюць эксперты, плануюць укараніць у практыку арганізацыі напрацоўкі нядаўніх вялікіх мінскіх канферэнцый у сферы бяспекі, уключаючы фарматы АБСЕ і Мюнхенскай групы.
