Цэнтрам палітычнага і эканамічнага дыялогу Саюзнай дзяржавы сёння стаў Гродна. Тут адбылася сесія Парламенцкага сходу Саюза Беларусі і Расіі. У працы прынялі ўдзел спікер Дзярждумы Федэральнага сходу Расіі Сяргей Нарышкін, з беларускага боку - старшыня Палаты прадстаўнікоў Нацыянальнага сходу Уладзімір Андрэйчанка. Галоўная тэма - выпрацоўка прыярытэтных кірункаў работы Саюзнага парламента да 2017 года. Абмяркоўвалі і пытанне ўрэгулявання канфлікту ва Украіне. Парламентарыі асабліва падкрэслілі важнасць мінскіх пагадненняў у гэтым працэсе. Паводле слоў экспертаў, гэта падмурак мірнага і скарэйшага завяршэння канфлікту.
Ішла размова і аб аграпрамысловым комплексе - пра ўмацаванне ініцыятыў у сферы ўзгодненасці прамысловай палітыкі і пашырэння навукова-тэхнічных праектаў. Дарэчы, на рэалізацыю двухбаковых навукаёмістых праграм вылучаць больш як 3 мільярды рублёў. Сваю ўвагу парламентарыі засяродзяць і на памяншэнні бюракратычных замешак, а таксама на нарошчванні гандлёвага абароту паміж Беларуссю і Расіяй.
Сёння ў рамках працы сесіі Парламенцкага сходу спікер Дзярждумы Расіі Сяргей Нарышкін прапанаваў адкрыць пляцоўку "Расійскага гістарычнага таварыства" на базе Гродзенскага ўніверсітэта імя Янкі Купалы. Падчас двухбаковай сустрэчы парламентарыі абмеркавалі ўдзел беларускіх дэпутатаў у працы пяцёркі краін БРІКС.
