Па 19 жніўня ў працэсе будуць удзельнічаць прэзідыумы мясцовых Саветаў дэпутатаў базавага ўзроўню і адпаведныя выканкамы, а ў Мінску - прэзідыум Мінгарсавета і Мінгарвыканкама. Кандыдаты рэгіструюцца ў ЦВК з 20 па 24 жніўня. А самі выбары сенатараў пройдуць з 25 жніўня па 13 верасня.
Мікалай Лазавік, сакратар Цэнтральнай камісіі Беларусі па выбарах і правядзенні рэспубліканскіх рэферэндумаў: "Гэта орган, які сцвярджае законы, прынятыя Палатай прадстаўнікоў. І вельмі пажадана, каб там былі людзі, якія ведаюць, што такое заканатворчы працэс, якія ведаюць, што такое эканоміка, сацыяльная сфера, і таму, пэўна, і ўзроставы цэнз тут некалькі большы, чым для дэпутатаў Палаты прадстаўнікоў. І пажадана, каб быў вопыт практычнай працы ў працоўным калектыве на прадпрыемстве, палітпартыі".
Членам Савета Рэспублікі можа стаць грамадзянін Беларусі, які дасягнуў 30 гадоў і які пражывае на тэрыторыі адпаведнай вобласці альбо Мінска не менш як пяць гадоў. У складзе верхняй палаты беларускага парламента 64 сенатары. З іх 56 абіраюцца, яшчэ 8 прызначае Прэзідэнт. Новы склад Савета Рэспублікі стане вядомы не пазней за 30 верасня. Тым часам лік ініцыятыўных груп па зборы подпісаў у падтрымку прэтэндэнтаў у парламент паменшыўся. Першапачаткова акруговыя выбаркамы зарэгістравалі 446 груп. Тры з іх паведамілі аб тым, што спыняюць сваю дзейнасць. Нагадаем, парламенцкія выбары ў Беларусі адбудуцца 11 верасня.
