Беларусь на ім прадставіць прэм'ер-міністр Андрэй Кабякоў. Кіраўнікі ўрадаў краін ЕАЭС абмяркуюць пытанні ў сферы эканомікі і фінансавай палітыкі, энергетыкі і інфраструктуры, інфарматызацыі, гандлю і мытнага рэгулявання. Сустрэча пройдзе на палях форуму "ЭКСПО-2017". Лозунг выставы - "Энергія будучыні". Яна асвятляе адну з самых актуальных тэм, што хвалююць сусветную супольнасць, - альтэрнатыўныя крыніцы энергіі. Наведваючы напярэдадні беларускі павільён, прэм'ер-міністр заявіў, што наша краіна разлічвае выйсці на сумесныя з іншымі дзяржавамі энергетычныя праекты.
Андрэй Кабякоў, Прэм'ер-міністр Беларусі: "У Беларусі на змену традыцыйным газу, драўніне і вугалю паступова прыходзяць такія крыніцы энергіі, як вецер, сонца, біяпаліва. Мы развіваем мірны атам, будуем у сябе атамную электрастанцыю, якая будзе адной з самых сучасных і бяспечных АЭС у свеце. Перакананы, што толькі сумеснымі намаганнямі мы зможам захаваць прыродны патэнцыял нашай планеты, забяспечыць даступнасць энергіі будучыні для новых пакаленняў".
Напярэдадні ў Астане прайшоў таксама беларуска-казахстанскі бізнес-форум і адкрылася выстава беларускіх вытворцаў Made in Belarus. Яе работа прадоўжыцца да заўтра. Па выніках чакаецца падпісанне новых кантрактаў. У цэлым Беларусь і Казахстан плануюць нарасціць абарот у мільярд долараў.
