Удзельнікі перамоў у Мінску адзначаюць зніжэнне напружанасці ў Данбасе

З гэтым згадзіліся і прадстаўнікі спецыяльнай маніторынгавай місіі АБСЕ. На сустрэчы разгледзелі агульную сітуацыю па бяспецы і захаванні перамір'я - яно ўступіла ў сілу ў Данбасе з 5 сакавіка. Сёння на чарговым раўндзе па ўрэгуляванні канфлікту на ўсходзе Украіны абмяркоўваюць новы абмен палоннымі, аднаўленне працы аператара мабільнай сувязі на тэрыторыі самаабвешчанай ДНР і рэалізацыю "формулы Штайнмаера". Яна вызначае механізм увядзення ў дзеянне закона аб асаблівым парадку мясцовага самакіравання ў асобных раёнах Данецкай і Луганскай абласцей на часовай аснове - у дзень выбараў - і на пастаяннай аснове - пасля апублікавання справаздачы АБСЕ аб выніках выбараў.