Трохбаковая кантактная група па ўрэгуляванні сітуацыі на ўсходзе Украіны рыхтуе пытанне аб абсалютным перамір'і, паведаміў спецпрадстаўнік АБСЕ Марцін Сайдзік па выніках перамоў у Мінску. Праўда, такое рашэнне пакуль не прынята, адзначыў дыпламат. Раней сёння аб дасягненні пагаднення заявіў прадстаўнік самаабвешчанай ЛНР.
Таксама падчас сённяшняй сустрэчы бакі абмеркавалі праблемы забеспячэння непадкантрольных Кіеву тэрыторый мабільнай сувяззю і бесперабойным водазабеспячэннем. А рабочая група па бяспецы дасягнула пагаднення аб развядзенні сіл і сродкаў у раёне станіцы Луганская.
Украінскіх бежанцаў, між тым, масава высылаюць з Ізраіля. Мясцовыя ўлады афіцыйна прызналі краіну бяспечнай для жыцця дзяржавай. Згодна са статыстыкай, за мінулы год Украіну пакінулі больш за мільён чалавек. Гэтаму шмат у чым паспрыяла ўвядзенне бязвізавага рэжыму з Еўрасаюзам. Таксама сярод прычын называюць эканамічны і палітычны крызіс.
Напярэдадні ў Кіеве ля будынка ўкраінскага парламента зноў адбыліся беспарадкі. Прыхільнікі Міхаіла Саакашвілі пабіліся з сілавікамі. Пацярпелі 13 праваахоўнікаў.