Сёння сваім правам выступіць на тэлеканале "Беларусь 1" другі раз скарысталася кандыдат у прэзідэнты Таццяна Караткевіч. Па жаданні кандыдата, яе выступленне, як і папярэдні раз, трансліравалася ў запісы. Таксама па просьбе Таццяны Караткевіч Белтэлерадыёкампанія забяспечыла выступленне з сурдаперакладам.
Таццяна Караткевіч, кандыдат у Прэзідэнты Рэспублікі Беларусь: "За час выбарчай кампаніі я сустрэлася з тысячамі людзей, у іх дзясяткі, сотні пытанняў, і няма ніводнага сумнення - Беларусі патрэбныя перамены. Для мяне вельмі важна, каб меркаванне людзей было пачутае, усіх без выключэння, таму па просьбе маіх выбаршчыкаў я папрасіла тэлеканал запрасіць сурдаперакладчыка. Мая праграма заснаваная на пытаннях ініцыятывы "Народны рэферэндум" і на прынцыпах грамадзянскай кампаніі "Гавары праўду". Яна закранае ўсе аспекты жыцця простага беларуса і накіраваная на тое, каб Беларусь развівалася і змянялася мірна".
Нагадаем, у адпаведнасці з заканадаўствам, кожны кандыдат мае права бясплатна выступіць у радыё- і тэлеэфірах па два разы. Разам з Таццянай Караткевіч гэтым правам ужо скарыстаўся і Мікалай Улаховіч. Заўтра на "Беларусь 1" выступіць яшчэ адзін кандыдат у прэзідэнты, лідар Ліберальна-дэмакратычнай партыі Сяргей Гайдукевіч.













