Ледзь больш як месяц застаецца да выбараў дэпутатаў мясцовых Саветаў. Аб жаданні ўступіць у барацьбу за дэпутацкі мандат сёлета заявілі амаль 23 тысячы чалавек. Аднак, хто менавіта працягне перадвыбарную гонку, стане вядома толькі да канца наступнага тыдня.
Да 18 студзеня выбаркамы па ўсёй краіне правяраюць дакументы вылучэнцаў. Пад пільным кантролем іх дэкларацыі аб прыбытках і падпісныя лісты.
На мясцовыя выбары гэтага года больш актыўна пайшоў бізнес. Сярод прэтэндэнтаў шмат пенсіянераў і непрацуючых, а таксама экс-кандыдат у прэзідэнты. Свежыя лічбы ў эксклюзіўным інтэрв'ю "Галоўнаму эфіру" агучыла кіраўнік ЦВК.
Згодна са словамі Лідзіі Ярмошынай, традыцыйна высокім конкурс будзе ў Мінску. Аднак, у некаторых рэгіёнах краіны сітуацыя процілеглая, шмат безальтэрнатыўных акруг. У сярэднім жа конкурс па Беларусі 2,4 чалавека.
Ці будуць жыццяздольныя мясцовыя выбары без удзелу ў іх працоўных калектываў і якая перадвыбарная гонка можа пачацца ў наступным годзе. Кіраўнік ЦВК аб тым, хто і навошта ідзе на выбары (відэа).
