Справядлівасць і аб'ектыўнасць падчас маніторынгу за парламенцкімі выбарамі ў Беларусі - галоўная задача міжнародных назіральнікаў. Такое меркаванне падчас адкрыцця выбарчых участкаў у Гомелі выказаў намеснік дырэктара Дэпартамента гуманітарнага супрацоўніцтва агульнапалітычных і сацыяльных праблем выканкама СНД Размік Хумаран. У Гомельскай вобласці створана найбольшая колькасць месцаў для галасавання - 1 038. Адным з першых свой выбар сёння зрабіў чэмпіён Алімпійскіх гульняў у Афінах па дзюдо Ігар Макараў.
Ігар Макараў, алімпійскі чэмпіён - 2004 па дзюдо: "Той, хто старэйшы, больш дасведчаны. Я разумею, маладым у нас усюды дарога, але я думаю, што вопыт - гэта перш за ўсё. Гэта значыць чым старэйшы чалавек, тым больш ён працаваў, тым больш ён ведае".
Размік Хумаран, міжнародны назіральнік ад СНД (Арменія): "Будзем назіраць сёння на працягу ўсяго дня галасавання. Я асабіста ніякіх парушэнняў дзеючага заканадаўства не ўбачыў. Арганізаваныя ўчасткі традыцыйна для Беларусі - правільна, нармальна, добра".
Усяго за выбарамі ў Беларусі сочаць больш як 800 міжнародных і звыш 32 тысяч унутраных назіральнікаў.
