Пагадненне аб прызнанні віз з Расіяй падпішуць пасля завяршэння ўнутрыдзяржаўных працэдур у Беларусі

13 Снежня 2018

Пра гэта стала вядома па выніках пасяджэння Савета Міністраў Саюзнай дзяржавы ў Брэсце. Варта адзначыць, на парадку дня пасяджэння - больш за 20 пытанняў, якія ахопліваюць усе кірункі двухбаковага супрацоўніцтва. Сярод іх праект бюджэту Саюзнай дзяржавы, далейшае развіццё малога і сярэдняга прадпрымальніцтва, машынабудавання, АПК.

Адобраны індыкатыўныя балансы па паліўна-энергетычных рэсурсах, дамовіліся зняць бар'еры ў гандлі і інвестыцыях.

Сяргей Румас, Прэм'ер-міністр Беларусі: "Мы дамовіліся прадоўжыць дыялог па стварэнні спрыяльных умоў ва ўзаемным гандлі і павелічэнні беларуска-расійскага тавараабароту, у тым ліку за кошт зняцця бар'ераў і абмежаванняў, стварэння ўмоў роўнага доступу суб'ектаў гаспадарання на рынкі Беларусі і Расіі".

Дзмітрый Мядзведзеў, Старшыня ўрада Расіі: "Праект Саюзнай дзяржавы можа быць зусім інакш выкананы, калі мы прыкладзем старанні, каб рэалізаваць дагавор, падпісаны ў снежні 1999 года, уключаючы стварэнне структур, якія дагэтуль не створаныя, якія дагаворам прадугледжваюцца. І гэта адкрые новую старонку ў інтэграцыі паміж нашымі краінамі".

Беларусь і Расія ў найбліжэйшыя два гады адсвяткуюць знакавыя даты - 75-годдзе вызвалення Беларусі ад фашысцкіх захопнікаў і 75 гадоў Перамогі ў Вялікай Айчыннай вайне. У нас агульная памяць, таму невыпадкова кіраўнікі дэлегацый наведалі Брэсцкую крэпасць. Дарэчы, з бюджэту Саюзнай дзяржавы прадугледжана выдзяленне сродкаў для ажыццяўлення 16 мерапрыемстваў, звязаных з рэстаўрацыяй аб'ектаў мемарыяльнага комплексу. Адзін з іх плануецца адкрыць ужо ў канцы года. Гэта новая экспазіцыя ў паўвежы паўднёва-ўсходняй казармы. У сямі залах будзе прадэманстраваны летапіс цытадэлі ад будаўніцтва да заканчэння вайны. Гэта будзе інтэрактыўны музей з трохмернымі панарамамі і аўдыявізуальнымі спецэфектамі.

 


Папулярныя

Рэкамендуемыя