Іншы кандыдат - Сяргей Гайдукевіч - сёння падчас пікету ў цэнтры Мінска адзначыў, што сёлета перадвыбарная кампанія праходзіць выразна і арганізавана. Кандыдат у Прэзідэнты падкрэсліў, што ў Беларусі ідзе актыўнае развіццё грамадства, а гэта - адна з галоўных мэт для любой дзяржавы.
Сяргей Гайдукевіч, кандыдат у Прэзідэнты Рэспублікі Беларусь: "Самае галоўнае для любой дзяржавы - дзве рэчы: умацаванне суверэнітэту і развіццё грамадства. Слава Богу, умацаванне суверэнітэту мы бачым, развіццё грамадства пачалося, засталося проста добрых менеджараў, добры ўрад, і каб нашы пенсіянеры атрымлівалі добрыя пенсіі і годную зарплату. Я думаю, ні адзін чалавек супраць нічога не скажа".
Сяргей Гайдукевіч дадаў, што яго партыя пачала актыўную агітацыйную кампанію па ўсёй Беларусі. Адначасова з Мінскам пікеты з'явіліся ў Гомелі, Віцебску, Бабруйску, Оршы, Брэсце, Гродне і Наваполацку. На наступным тыдні лідар партыі пабывае ў рэгіёнах, а затым вернецца ў Мінск, каб ізноў выступіць на тэлебачанні.
