Сталіца збярэ прэзідэнтаў Беларусі, Казахстана, Расіі і Украіны, а таксама прадстаўнікоў Еўрасаюза. Перагаворы па ўкраінскім пытанні будуць асвятляць каля 300 журналістаў. Прадстаўнікі СМІ з усяго свету яшчэ напярэдадні пачалі прыбываць у Мінск.
У панядзелак пытанні арганізацыі і правядзення сустрэчы па тэлефоне абмеркавалі лідары Беларусі і Казахстана. Зрабіць Мінск перагаворнай пляцоўкай прапанаваў менавіта Аляксандр Лукашэнка. Кіраўнік дзяржавы неаднаразова вёў тэлефонныя перагаворы і з Уладзімірам Пуціным, і з Нурсултанам Назарбаевым, і з Пятром Парашэнкам.
Плануецца, што на сустрэчы ў Мінску таксама будуць прысутнічаць прадстаўнікі Еўракамісіі, у прыватнасці Вярхоўны камісар ЕС па замежных справах і палітыцы бяспекі Кэтрын Эштан, а таксама еўракамісары па гандлі і энергетыцы.
