Роля мінскіх пагадненняў адзначана на слуханнях у Еўрапарламенце

Мінскія пагадненні па-ранейшаму адыгрываюць асноўную ролю ў дасягненні ўстойлівага мірнага ўрэгулявання канфлікту на ўсходзе Украіны. Пра гэта сёння заявіла высокі прадстаўнік ЕС па пытаннях знешняй палітыкі і палітыкі бяспекі Федэрыка Магерыні на слуханнях у Еўрапарламенце. 

Федэрыка Магерыні, вярхоўны прадстаўнік Еўрасаюза па замежных справах і палітыцы бяспекі: "Павінна быць ясна, што мінскія пагадненні застаюцца цэнтральнымі ў дасягненні надзейнага мірнага вырашэння канфлікту на ўсходзе Украіны, спыненні баявых дзеянняў і пакут столькіх людзей. Вельмі важна падтрымліваць прагрэс у развядзенні войскаў і будаўніцтве моста ў Станіцы Луганскай".

Таксама Магерыні падкрэсліла, што Еўрасаюз спадзяецца на прагрэс мінскіх пагадненняў пасля ўзгаднення формулы Штайнмаера.