Анастасія Бенедзісюк працуе на выбарчых участках сталіцы (прамое ўключэнне). Наш выбарчы эшалон рухаецца да экватара. Мінулі 4 гадзіны. І гэтым разам я выходжу з вамі на прамую сувязь са сталічнага Палаца культуры і спорту чыгуначнікаў. І спорт, і культуру, і выбаршчыкаў, і арганізатараў выбараў з самай раніцы ўжо паспелі ацаніць міжнародныя назіральнікі. Мы пагутарылі з кіраўніком місіі Шанхайскай арганізацыі супрацоўніцтва. Калі сцісла, выбары праходзяць актыўна і празрыста. Гэта цытата. Я папрашу рэжысёра паказаць частку інтэрв'ю.
Гэтыя парламенцкія выбары ў Беларусі для ШАС сталі 49-й наглядальнай місіяй. У нашу краіну, нагадаем, яна прыязджала і на прэзідэнцкія выбары, і на парламенцкія ў 2016-м. Мінск. Брэст, Магілёў. Зрэшты, сёння назіральнікі працуюць не толькі ў буйных гарадах. Яны знаёмяцца з выбарчымі ўчасткамі, глядзяць за правільнасцю выканання працэдуры галасавання. Задаюць пытанні членам выбарчых камісій, выбаршчыкам. Усяго ж у Беларусі працуюць больш як 1000 міжнародных назіральнікаў. У іх, як і ў журналістаў, сёння вялікі марафон па наведванні выбарчых участкаў. У сярэднім на вывучэнне сітуацыі на адным ідзе каля паўгадзіны.
Вось гавораць жа: выбары - гэта свята! Спадзяюся, камера перадае гэтую атмасферу. З самай раніцы тут гучыць беларуская песня. Паўсюль кветкі. Ёсць асобная зона, дзе, выканаўшы свой грамадзянскі абавязак, можна выпіць каву, паспытаць свежай выпечкі. Дададзім, на кожным участку працуе перасоўны медыцынскі пункт. Зрэшты, да пачатку ўключэння я пацікавілася - скаргаў аб дрэнным самаадчуванні не паступала.
Дзве з паловай тысячы выбаршчыкаў. Датэрмінова прагаласаваў кожны пяты. Пакуль заявак на тое, каб прагаласаваць на даму, на гэтым участку не паступала. 30 чалавек тут чакаюць дэбютантаў - тых, хто будзе галасаваць упершыню.
І я прапаноўваю паслухаць саміх выбаршчыкаў, з якім настроем сёння прыходзяць на выбарчыя ўчасткі.
Такая сітуацыя да гэтай хвіліны. Мне застаецца дадаць, што выбарчы марафон сёння будзе доўжыцца 12 гадзін і завершыцца ў 20:00. Выбарчыя камісіі будуць працаваць без абеду.
