Праводзіць маніторынг у Беларусі будуць амаль 25 500 нацыянальных назіральнікаў і 482 міжнародныя эксперты. У іх ліку місія СНД. З кароткатэрміновых назіральнікаў акрэдытаваныя 328 чалавек. Яны прыедуць напярэдадні выбараў. 44 ужо працуюць у Беларусі. Яны наведалі ўсе рэгіёны і ўдзельнічалі ў фарміраванні выбарчых камісій. Як сёння адзначыў кіраўнік місіі назіральнікаў ад Садружнасці, парламенцкая кампанія ў Беларусі ідзе планава, арганізавана і ў адпаведнасці з заканадаўствам.
Галоўным жа пытаннем чарговага пасяджэння савета пастаянных паўнамоцных прадстаўнікоў краін Садружнасці стала ўзгадненне праекта парадку дня пасяджэння кіраўнікоў урадаў СНД, якое пройдзе ў Мінску 28 кастрычніка. Чакаецца, што на ім абмяркуюць ход рэалізацыі дагавору аб зоне свабоднага гандлю, а таксама гуманітарнае супрацоўніцтва.
