У ёй не будзе якіх-небудзь папярэдніх ацэнак кампаніі, заявіў сёння кіраўнік місіі на брыфінгу ў Мінску. Выніковую справаздачу Бюро па дэмакратычных інстытутах і правах чалавека падасць праз два месяцы пасля дня галасавання. Падчас працы місіі ў Беларусі назіральнікі плануюць сустрэцца з прадстаўнікамі дзяржорганаў на ўсіх узроўнях, а таксама з кандыдатамі ў прэзідэнты, прадстаўнікамі палітычных партый, грамадства і СМІ.
Жак Фор, кіраўнік місіі назіральнікаў БДІПЧ АБСЕ: "Наша роля заключаецца ў тым, каб ажыццяўляць назіранне і даць практычнае асвятленне вынікаў гэтага назірання. Вельмі важна падкрэсліць, што наша роля ні якім чынам не прадугледжвае ніякага ўмяшання ў выбарчы працэс. Нам вельмі цікава пераканацца ў тым, што выбары праводзяцца ў адпаведнасці з дэмакратычнымі прынцыпамі. Наша праца будуецца на прынцыпах бесстароннасці, прафесіяналізму, празрыстасці і аб'ектыўнасці. Гэтым мы кіруемся ва ўсёй нашай працы".
Назіральнікі місіі, якія прыбылі ў Мінск, - гэта эксперты ў галіне права, медыяаналітыкі і выбараў. Сярод іх таксама і спецыялісты па пытаннях бяспекі і фінансавых. Да доўгатэрміновых назіральнікаў напярэдадні дня выбараў далучыцца яшчэ 400 калег.