Прафесар Алена Карасцялёва расказала, чаму "Мінскі дыялог" - унікальны міжнародны форум

9 Кастрычніка 2019

"Мінскі дыялог", які збірае ў беларускай сталіцы вядучых экспертаў, дыпламатаў і прадстаўнікоў міжнародных арганізацый, дае шанц выпрацаваць дакладныя правілы гульні, зразумець і прыняць адно аднаго. Шлях да гэтага няпросты, імгненных вынікаў  чакаць не варта. Еўрапейская бяспека  як вялікая каштоўнасць  патрабуе не проста захавання, а рэстаўрацыі, а значыць, цярпення. Пры гэтым тэматыка канфліктаў абмяркоўваецца на розных пляцоўках, у розных краінах. У чым жа ўнікальнасць "Мінскага дыялогу" - давайце паслухаем меркаванне эксперта. 

Алена, ці лічыце вы "Мінскі дыялог" форумам сапраўды ўнікальным? Або ж гэта мерапрыемства, якое неабходна, каб яно было,  праводзіць і тым не менш адно за другім. Ці ёсць у ім элемент унікальнасці?

Алена Карасцялёва, прафесар міжнароднай палітыкі, дырэктар Цэнтра глабальнай Еўропы, універсітэт Кента, Вялікабрытанія: "Я лічу, што "Мінскі дыялог" і ўнікальны, і ў ім ёсць вялізная неабходнасць - у адказ на ваша пытанне. Унікальны ён, па-першае, тым, што з'яўляецца асаблівым месцам пляцоўкі, пляцоўкі нейтральнай, на якой могуць сабрацца як прадстаўнікі ўрадаў, policymakers, а таксама і эксперты з Захаду і Усходу. І як на сённяшні дзень паказвае другі ўжо "Мінскі дыялог", у нас каля 700 удзельнікаў, прычым, вялкікая іх колькасць прыехала не толькі з Еўропы і ЗША, але таксама з вялікага рэгіёну. І гэта вельмі важна, таму што ўнікальнасць тады складаецца ў чым - у тым, што людзі давяраюць, яны прыязджаюць, ёсць магчымасць зносін, абмеркавання  новых выклікаў і пошуку новых шляхоў. 

Унікальнасць яго яшчэ складаецца ў тым і неабходнасць у тым, што на другім годзе жыцця мы ўвялі некалькі інавацый, калі вы заўважылі, мы прадставілі ўпершыню як бы панэль маладых будучых лідараў. 

Гэтыя маладыя ўдзельнікі, яны працавалі на працягу месяца, абгрунтоўвалі і развівалі свае пазіцыі. І потым на базе сваіх пазіцый яны сустрэліся ў нядзелю, распрацавалі сваю ўласную дэкларацыю - тое, як бачыцца гэта будучыня маладым  лідарам. І гэта вельмі важна. Чаму - таму што яны гэту пазіцыю прадставілі, такога яшчэ не было ў рэгіянальных форумах на сённяшні дзень".

Ад унікальнасці да эфектыўнасці і прагрэсу, а таксама найважнейшае пытанне: "Ці можа Беларусь стаць гісторыяй поспеху ўсходне-еўрапейскай бяспекі?" Інтэрв'ю прафесара - Алены Карасцялёвай - у гэту нядзелю ў "Галоўным эфіры".