Праект беларускай рэзалюцыі - у парадку дня ПА АБСЕ. Афіцыйны Мінск прадставіў "Прагназаванне для ўстойлівага развіцця"

5 Ліпеня 2019

Праект беларускай рэзалюцыі ўключаны ў парадак дня Парламенцкай асамблеі АБСЕ. 28-я сесія адкрылася ў Люксембургу. Ініцыяваны Мінскам праект быў падтрыманы пастаянным камітэтам Асамблеі. Дакумент завецца "Стратэгічнае прагназаванне ў галінах навукі, тэхналогій і інавацый для ўстойлівага развіцця". Дэлегацыю нашай краіны ўзначальвае віцэ-спікер беларускага парламента. Баляслаў Пірштук прыняў удзел у шостай сустрэчы групы падтрымкі Шаўковага шляху Асамблеі АБСЕ, дзе падтрымалі заяўку аб уваходжанні дэлегацыі Узбекістана. Таксама абмяркоўвалася прасоўванне сумесных ініцыятыў у ключавых пытаннях.