Прэзідэнты Беларусі і Судана правядуць перамовы ў Мінску. Сёння ў нашу краіну прыбывае Амар Хасан Ахмед аль-Башыр

9 Снежня 2018

Сёння ў нашу краіну з афіцыйным візітам прыбывае Амар Хасан Ахмед аль-Башыр.

 

Кіраўнікі дзяржаў 10 снежня падрабязна абмяркуюць ход рэалізацыі ранейшых дамоўленасцяў, дасягнутых падчас візіту беларускага лідара ў Хартум у студзені 2017, а таксама наступных беларуска-суданскіх кантактаў на іншых узроўнях. У цэнтры ўвагі будуць і найбольш перспектыўныя кірункі далейшага развіцця гандлёва-эканамічнага супрацоўніцтва, у тым ліку ў сферах прамысловай кааперацыі, сельскай гаспадаркі, энергетыкі, здабычы карысных выкапняў, у гуманітарнай галіне. Перамовы ў Палацы Незалежнасці пройдуць у панядзелак у вузкім і пашыраным складах. Таксама лідары абмяркуюць палітычнае ўзаемадзеянне і міжнародную праблематыку. Вынікам, як чакаецца, стане сумесная заява лідараў дзвюх краін. У прысутнасці Аляксандра Лукашэнкі і Амара Хасана Ахмеда аль-Башыра будзе падпісаны шэраг міжнародных дакументаў аб супрацоўніцтве ў розных галінах. Праграмай афіцыйнага візіту суданскага лідара запланаваны і іншыя мерапрыемствы. Ён прыме ўдзел у цырымоніі афіцыйнага адкрыцця пасольства Судана, сустрэнецца з высокімі службовымі асобамі.


Папулярныя

Рэкамендуемыя

Зараз чытаюць

Рэкамендуемыя