Прэзідэнт Малдовы Ігар Дадон прыбыў у Беларусь з рабочым візітам каля дзвюх гадзін таму. У Нацыянальным аэрапорце Мінск ля трапа лайнера высокага госця чакаў урачысты прыём. Гэта першы візіт малдаўскага лідара ў якасці прэзідэнта ў нашу краіну.
У Ігара Дадона ў Мінску насычаная праграма. Сёння ў працоўным графіку прэзідэнта Малдовы - сустрэчы з дзелавымі коламі на сумесным бізнес-форуме (ён праходзіць гэтымі хвілінамі), а таксама наведванне буйных прадпрыемстваў, у тым ліку Мінскага трактарнага завода. А заўтра ўвесь спектр беларуска-малдаўскага супрацоўніцтва ў палітычнай і сацыяльна-эканамічнай сферах Ігар Дадон абмяркуе з беларускім лідарам Аляксандрам Лукашэнкам. Асобную ўвагу нададуць узаемадзеянню ў фармаце інтэграцыйных аб'яднанняў.
Кіраўнікі дзяржаў сустрэнуцца ў Віцебску. Таксама прэзідэнт Малдовы прыме ўдзел у цырымоніі адкрыцця "Славянскага базару".
