Прэзідэнт Беларусі: Замяніць усіх членаў урада было б няправільна

На нарадзе ў Прэзідэнта абмеркавалі прапановы па новым саставе ўрада. Кіраўнік дзяржавы ўжо некалькі разоў гаварыў пра намер  да выбараў прыняць адпаведнае рашэнне. Каб людзі бачылі і разумелі, хто будзе працаваць на ключавых пасадах. Сур'ёзна прааналізавалі дзеючы склад урада, на разгляд лідару былі пададзеныя новыя кандыдатуры на некаторыя пасады ў выканаўчай уладзе. Сёння для абмеркавання ўсіх гэтых пытанняў на сустрэчу ў Палац Незалежнасці былі запрошаныя кіраўнік Адміністрацыі Прэзідэнта і дзяржсакратар Савета бяспекі, а таксама спікеры парламента. Менавіта яны на працягу некалькіх месяцаў глыбока прапрацавалі ўсе кандыдатуры,  на разгляд Кіраўніка дзяржавы іх прадставілі напярэдадні.

У цэлым фарміраваць каманду паслядоўна пачалі яшчэ паўгода таму. У канцы мінулага і на старце гэтага года ўжо быў прыняты шэраг прыкметных кадравых рашэнняў, накіраваных, па-першае, на карэкціроўку эканамічнага,  па-другое, сілавога блока ва ўрадзе. Такая кадравая ратацыя была скіравана на ўмацаванне ў плоскасці эканомікі і ў сферы нацыянальнай бяспекі. 


Маючая адбыцца кадравая ратацыя ва ўрадзе накіраваная на ўмацаванне каманды. Тым больш зараз праходзім няпросты этап эканамічнай турбулентнасці і вельмі важна захаваць нават мінімальную дынаміку. Прэзідэнт адкрыта распавёў, чаму кардынальныя перамены ва ўрадзе не патрэбныя. 

Зразумела, што цяперашняя сустрэча - прычына пакуль яшчэ раз дэталёва абмеркаваць усе варыянты. Сам Кіраўнік дзяржавы ўжо адзначаў, што да цяперашняга саставу ўрада па персаналіях у яго няма асаблівых прэтэнзій. Аднак новыя рашэнні па кіраўніцкай вертыкалі - гэта і ёсць тая самая своечасовая рэакцыя на выклікі часу. Прэзідэнт прытрымліваецца дакладнай кадравай палітыкі - у камандзе павінны быць выключна прафесіяналы, людзі, якія гатовыя выкладвацца на ўсе сто і скіраваны працаваць на вынік у цяперашніх няпростых умовах.