Сусветная супольнасць павінна прыслухацца да прапаноў беларускага боку па ўрэгуляванні канфлікту ва Украіне. Такое меркаванне выказаў старшыня Мюнхенскай канферэнцыі па бяспецы Вольфганг Ішынгер.
Вольфганг Ішынгер, старшыня Мюнхенскай канферэнцыі па бяспецы:
"Мяне глыбока ўразіла тая прыхільнасць і імкненне да вырашэння канфлікту ва Украіне, якую выказаў Прэзідэнт Аляксандр Лукашэнка падчас учарашняй сустрэчы. Мяне таксама ўразіла імкненне як мага хутчэй вырашыць канфлікт і дасягнуць міру на ўсходзе Украіны. Я спадзяюся, што да тых цікавых прапаноў, якія былі выказаны, у тым ліку і місіі на ўсходзе Украіны, прыслухаецца міжнародная супольнасць".
Акрамя таго, старшыня Мюнхенскай канферэнцыі па бяспецы заклікае ЗША і Расію не выходзіць з Дагавора аб ліквідацыі ракет сярэдняй і меншай далёкасці, а забяспечыць яго поўнае выкананне дзеля бяспекі ўсяго свету. Наша краіна разглядае гэты дакумент як адзін з найважнейшых прадметаў сучаснай архітэктуры міжнароднай бяспекі, што спрыяе зніжэнню напружанасці ў Еўропе.