Укараненне новых механізмаў фінансавання будаўніцтва жылля і замарозка тарыфаў на камуналку да канца года - сёння ўрад адказаў на пытанні дэпутатаў беларускага парламента.
Сёлета жыллёва-камунальныя паслугі для беларусаў не падаражэюць. У наступным годзе іх рост будзе абмежаваны сумай, эквівалентнай 5 доларам. Астатнія выдаткі пакрыюць за кошт зніжэння затрат арганізацый сістэмы ЖКГ. Ва ўрадзе таксама абяцаюць паскорыць працу над укараненнем новых спосабаў крэдытавання пры ўзвядзенні жылля. Размова пра іпатэку і сістэму будаўнічых зберажэнняў.
Анатоль Калінін, намеснік прэм'ер-міністра Беларусі: "Сфера інтарэсаў звязана з крэдытна-грашовай палітыкай сённяшняга дня. Але ўлічваючы палітыку ўрада знізіць стаўку рэфінансавання, да канца гэтай пяцігодкі мы павінны ўкараніць сістэму будаўнічых зберажэнняў у Рэспубліцы Беларусь і даць новы інструмент для прыцягнення рэсурсаў пры будаўніцтве жылля".
Таксама сёння ва ўрадзе запэўнілі, што дапрацуюць сістэму выдзялення безнаяўных жыллёвых субсідый на аплату камуналкі. Апроч удасканалення механізму ў цэлым, плануецца вызваліць сем'і ад выплаты за падрыхтоўку даведак, якія патрэбныя для налічэння субсідый па заяўным прынцыпе.
