Пра гэта сёння журналістам паведаміла старшыня Цэнтрвыбаркама Лідзія Ярмошына. Гэта будзе місія Выканкама СНД. Ужо запланаваная сустрэча кіраўніка ЦВК са Старшынёй - Выканаўчым сакратаром Садружнасці Сяргеем Лебедзевым, на якой будуць уручаныя першыя пасведчанні.
Рэспубліканскае грамадскае аб'яднанне "Белая Русь" сёння ў Мінску праводзіць форум, прысвечаны выбарам дэпутатаў. У сталіцы сабраліся каля трохсот актывістаў грамадскага аб'яднання.
"Белая Русь" прыме самы актыўны ўдзел ва ўсіх этапах выбарчай кампаніі. Плануецца прадстаўніцтва на ўсіх узроўнях у якасці назіральнікаў і членаў камісій. Непасрэдна ў выбарчай гонцы прымуць удзел каля 80 членаў аб'яднання.
"Белая Русь" сфарміравала прапановы аб магчымых зменах выбарчага заканадаўства і разлічвае, што гэтую працу працягнуць абраныя ў парламент прадстаўнікі арганізацыі.