З візітам у сталіцы знаходзіцца міністр замежных спраў Латвіі Эдгар Рынкевіч. Напярэдадні на сустрэчы ў МЗС гаварылі аб развіцці гандлёва-эканамічных адносін - летась тавараабарот паказаў значны рост і перавысіў паўмільярда долараў. Таксама на парадку дня было ўзаемадзеянне па лініі Беларусь - ЕС.
Уладзімір Макей, Міністр замежных спраў Беларусі: "Латвія традыцыйна з'яўляецца для Беларусі вельмі важным гандлёва-эканамічным партнёрам. Гэта краіна ўваходзіць у дзясятку краін - асноўных кірункаў для беларускага экспарту. Выкарыстанне партовай структуры, выкарыстанне транспартна-лагістычных магчымасцяў - гэта адзін з перспектыўных кірункаў нашага супрацоўніцтва. Мы збіраемся і надалей развіваць узаемавыгадныя праекты на латвійскім кірунку. Мы бачым, што там ёсць перспектыва для нафтапрадуктаў, прадукцыі дрэваапрацоўкі і менавіта латвійскі кірунак з'яўляецца найбольш прадуктыўным і прымальным".
Шэраг канкрэтных праектаў абмяркуюць у кастрычніку на Беларуска-латвійскай міжурадавай камісіі.
