Аб галоўнай палітычнай кампаніі года. Перадвыбарная агітацыя парламенцкай гонкі выйшла на фінішную прамую. Сёння ў цэнтры Мінска прайшоў парад пікетаў.
Цэнтрам зносін з выбаршчыкамі для кандыдатаў і іх давераных асоб стаў Верхні горад. Такая магчымасць была ва ўсіх, хто ўдзельнічае ў барацьбе, каб трапіць у парламент. Саіскальнікі на дэпутацкія мандаты, сярод якіх самавылучэнцы і прадстаўнікі розных палітычных партый, разгарнулі свае праграмы і палаткі. Песні, танцы, флэшмобы… і галоўнае - дыялог з патэнцыяльнымі выбаршчыкамі, сярод якіх і шмат моладзі. Зрэшты, акцэнт на агітацыю. Для актывістаў такі новы фармат палітычнага кірмашу - магчымасць схіліць электарат на свой бок напярэдадні дня выбараў.
Нагадаем, што выбары ў Палату прадстаўнікоў Нацыянальнага сходу Беларусі пройдуць 17 лістапада. На 110 месцаў у сёмае скліканне ніжняй палаты парламента прэтэндуе звыш 500 кандыдатаў. А ўжо ў пачатку наступнага тыдня - 12 лістапада - стартуе датэрміновае галасаванне для жыхароў нашай краіны. Любы жадаючы зможа выканаць грамадзянскі абавязак аж да 16 чысла ўключна.
Парад агітацыйных пікетаў прайшоў у Мінску
8 ноября 2019