Выданне "Пакістан Пойнт" цытуе словы старшыні Мюнхенскай канферэнцыі Вольфганга Ішынгера: "Я буду рады прыезду Прэзідэнта Лукашэнкі на канферэнцыю, калі ён захоча прыняць у ёй удзел, будзь тое ў 2019 або ў 2020 годзе". Як адзначае выданне, Ішынгер уражаны прыхільнасцю і імкненнем Прэзідэнта да вырашэння канфлікту ва Украіне і выказвае спадзяванне, што міжнародная супольнасць прыслухаецца да яго цікавых прапаноў.
"Мінск быў выбраны ў якасці месца правядзення сустрэчы асноўнай групы Мюнхенскай канферэнцыі па праблемах бяспекі на падставе ўкладу Беларусі ў прасоўванне стабільнасці і бяспекі, а таксама яе магчымасці прымірыць галоўных рэгіянальных гульцоў", - падкрэслівае латвійскі інтэрнэт-рэсурс "Балтыйскі курс".
