На тыдні, абмяркоўваючы папраўкі ў Выбарчы кодэкс, сышліся на галоўным: выбары ў першую чаргу для народа, арыентавацца трэба на яго.
Зараз падрабязнасці. На абмеркаванне паправак у кодэкс, якія павінны быць пададзеныя Прэзідэнту ўжо да 30 жніўня, былі запрошаныя прадстаўнікі самых розных ведамстваў. Зразумела, Цэнтрвыбаркама, прэзідэнцкай Адміністрацыі, міністэрстваў, а таксама дэпутаты і сенатары. Гаворка ішла пра аптымізацыю выбарчага працэсу.
ЦВК прааналізаваў усе канструктыўныя заўвагі, якія паступалі падчас апошніх кампаній, і выступіў з ініцыятывамі. Зрэшты, асобныя прапановы падтрыманыя не ўсімі ўдзельнікамі нарады. Палярныя меркаванні былі нават у спікераў абедзвюх палат парламента. І Прэзідэнт прапанаваў па спрэчных момантах прыняць рашэнне калегіяльна.
Сярод прапаноў, якія выклікаюць найбольшую цікавасць, праводзіць парламенцкія выбары ў адзін тур. Патэнцыяльных кандыдатаў могуць абавязаць адзначаць судзімасць у біяграфіі, а таксама крыніцу сродкаў да існавання, калі даходаў па дэкларацыі няма. Агітацыю за байкот могуць забараніць, а таксама змяніць фінансаванне агіткампаній.
Прапанавана бюджэтныя грошы на выраб лістовак і плакатаў даваць не кандыдатам, а выбаркамам. Лічыцца, што такім чынам дзяржава дасць гарантыю, што інфармацыя пра кандыдатаў будзе дастаўленая выбаршчыку. Зрэшты, распавядаць пра сябе кандыдат зможа і на сродкі асабістага фонду. Іх прапанавана значна павялічыць і фарміраваць ужо з моманту рэгістрацыі ініцыятыўных груп.
Вось гэтыя два пункты былі падтрыманыя не ўсімі, хоць прынцыпова і не адхіленыя. Ці згодзяцца з прапанаванымі навінкамі дэпутаты, а пасля і сенатары - даведаемся бліжэй да канца восені. Законапраект могуць разгледзець ужо ў маючую адбыцца сесію.