Беларусь прадоўжыць працу па прасоўванні сваіх ініцыятыў па барацьбе з гандлем людзьмі і актывізацыі міжнароднага супрацоўніцтва па сумежнай праблеме процідзеянню гандлю чалавечымі органамі.
Дзмітрый Мірончык, начальнік упраўлення інфармацыі - прэс-сакратар МЗС Беларусі: "Асаблівая ўвага будзе нададзена прасоўванню тэматыкі краін з сярэднім узроўнем прыбытку (да якіх па класіфікацыі Сусветнага банка адносяцца парадку 100 дзяржаў, уключаючы Рэспубліку Беларусь), а таксама да тэмы адстойвання каштоўнасцяў традыцыйнай сям'і. Важнымі кірункамі дзейнасці для Беларусі стане праца ў такіх галінах, як устойлівая энергетыка і моладзь. Падчас 70-й сесіі ГА ААН плануецца прасоўванне двух беларускіх праектаў рэзалюцый: першая - наша традыцыйная - "Паляпшэнне каардынацыі і намаганняў у барацьбе з гандлем людзьмі", другая - "Прадастаўленне Еўразійскаму эканамічнаму саюзу статусу назіральніка ў Генеральнай Асамблеі ААН".
Праект рэзалюцыі аб прадастаўленні Еўразійскаму эканамічнаму саюзу статусу назіральніка ў Генеральнай Асамблеі ААН вылучаны Беларуссю - у якасці старшыні ЕАЭС сёлета. Адпаведны пункт ужо ўнесены ў парадак дня працы 70-й сесіі Генасамблеі.
