У Беларусі стартавала важная палітычная кампанія. Выбары ў мясцовыя Саветы дэпутатаў. Асноўны дзень галасавання - нядзеля, 18 лютага. Указ аб прызначэнні выбараў падпісаў Прэзідэнт. У Цэнтрвыбаркаме на тыдні зацвердзілі каляндарны план кампаніі. Першым крокам традыцыйна стане фарміраванне тэрытарыяльных выбарчых камісій. Вылучэнне кандыдатаў у дэпутаты пачнецца ўжо 10 снежня і прадоўжыцца амаль месяц.
Пытанні кампаніі абмяркоўвалі на рабочай сустрэчы Прэзідэнта і кіраўнікі Цэнтрвыбаркама. На думку Аляксандра Лукашэнкі, люты - аптымальны варыянт для правядзення выбараў. У грамадзян і палітычных сіл будзе досыць часу на падрыхтоўку.
Прэзідэнт таксама даручыў мясцовай уладзе і губернатарам максімальна садзейнічаць выбарчай кампаніі. Асабліва пры падрыхтоўцы ўчасткаў для галасавання. Гэта дазволіць беражліва расходаваць бюджэтныя сродкі і правесці кампанію на высокім арганізацыйным узроўні.
Цікава, што выбары, якія адбудуцца, вельмі завязаныя на лічбу 18. Дата асноўнага дня галасавання - 18 лютага 2018 года. Дэпутатам можа стаць грамадзянін не маладзейшы за 18 гадоў. Рэгістрацыя кандыдатаў прадоўжыцца да 18 студзеня. Будзе арганізавана больш як 18 тысяч выбарчых акруг. І выбраць адпаведна мяркуецца больш як 18 тысяч дэпутатаў мясцовых Саветаў.
Але не столькі аб этапах кампаніі, колькі аб атмасферы, у якой яна будзе праходзіць, і палітычных трэндах спыталіся мы ў нязменнага кіраўніка Цэнтрвыбаркама Беларусі Лідзіі Ярмошынай. І аб магіі лічбаў таксама пацікавіліся! Вось якім атрымалася інтэрв'ю (відэа).
