Аб значэнні арганізацыі і ўзаемадзеянні на міжнароднай арэне кіраўнікі МЗС гаварылі ў рамках пасяджэння Савета міністраў. Як заявіў кіраўнік беларускага знешнепалітычнага ведамства Уладзімір Макей, галоўная задача АДКБ - фарміраванне спрыяльных знешніх умоў для развіцця краін-партнёраў. Падчас сустрэчы было разгледжана шырокае кола пытанняў - ад аховы межаў да ўмацавання пазіцый дзяржаў блока на міжнароднай арэне. Найболей важныя праблемы будуць вынесеныя на разгляд сесіі Савета калектыўнай бяспекі на ўзроўні кіраўнікоў дзяржаў. Яна таксама пройдзе ў Мінску бліжэй да канца года.
Уладзімір Макей, міністр замежных спраў Беларусі: "У якасці старшыні АДКБ Беларусь акцэнтавала ўвагу на прыярытэтных кірунках нашага старшынства ў знешнепалітычнай сферы. Па выніках пасяджэння намі ўзгодненыя і падпісаныя заявы па пытанні аб бесперапыннай у асобных краінах Еўропы кампаніі па дэмантажы помнікаў воінам Чырвонай арміі ў гады Другой сусветнай вайны. Другая заява мінскага СМЗС прысвечана сумесным мерам па гарантаванні інфармацыйнай бяспекі. Міністры таксама прынялі рашэнне па плане кансультацый прадстаўнікоў дзяржаў - членаў АДКБ па пытаннях знешняй палітыкі, па тэмах, якія мы сумесна будзем прасоўваць на міжнародных пляцоўках".
Юрый Хачатураў, генеральны сакратар АДКБ: "Зацверджаны пералік тэм сумесных заяў, з якімі АДКБ будзе выступаць на розных узроўнях і пляцоўках, каб давесці да нашых партнёраў кансалідаваную пазіцыю дзяржаў па шэрагу глабальных пытанняў, разгляданых ГА ААН".
Памяць аб мінскай сустрэчы кіраўнікоў МЗС краін АДКБ будзе ўшанаваная ў калекцыйным канверце, выпушчаным да 15-годдзя арганізацыі 30-тысячным тыражом. Удзельнікі пасяджэння прынялі ўдзел у цырымоніі яго гашэння - кожны міністр асабіста адпячатаў эмблему АДКБ.
