Аб кампаніі, якая адбудзецца, і яе новаўвядзеннях кіраўнік Цэнтрвыбаркама напярэдадні эксклюзіўна расказала ў праекце "Размова ў Прэзідэнта".
Згодна з прагнозам Лідзіі Ярмошынай, выбары будуць альтэрнатыўнымі. Конкурс на дэпутацкае крэсла, улічваючы вопыт мінулай парламенцкай кампаніі, можа скласці 4 з паловай чалавекі на месца. Пры гэтым не выключана, што прыкладна 30 працэнтаў дэпутатаў сёлетняга склікання захочуць захаваць сваё крэсла. На думку кіраўніка ЦВК, беларускае грамадства гатова да большай прысутнасці жанчын у парламенце.
Будзе распрацавана мабільная праграма. Увядучы адрас прапіскі, выбаршчыкі змогуць даведацца свой участак для галасавання. Таксама можна будзе атрымаць доступ да падрабязных карт выбарчых акруг. Гэта ў тым ліку дазволіць пазбегнуць памылак пры вылучэнні, бо подпісы ў падтрымку кандыдатаў за межамі яго акругі не ўлічваюцца.
