Эканамічны падмурак
Аляксандр Лукашэнка падзякаваў Уладзіміру Пуціну за падтрымку, якую расійскі бок аказвае эканоміцы нашай краіны, а таксама адзначыў, што як мінімум палова гандлёвага абароту Беларусі завязана на Расію, а параўнальна невялікая Беларусь з'яўляецца чацвёртым па значнасці гандлёвым партнёрам Расіі.Ключавыя праекты партнёраў
Ішла размова і наконт вялікіх сумесных праектаў. Напрыклад, поўны ўвод у строй Беларускай АЭС дазволіць сэканоміць прыкладна 5 млрд кубічных метраў прыроднага газу. Але патрэбнасць у гэтай сыравіне ў цэлым не знізіцца з улікам планаў па будаўніцтве новага азотнага камбіната ў Гродне.Вакцына: імпарт тэхналогій
Закранулі лідары і важную тэму вакцынацыі. Расія ўжо перадала Беларусі тэхналогіі для вытворчасці прэпарата "Спадарожнік V". У нашай краіне вытворчасць плануюць пачаць у сакавіку.Перамовы лідараў Беларусі і Расіі
Пасля сустрэчы тэт-а-тэт лідары прадоўжылі перамовы ў Сочы за катаннем на горных лыжах. Падчас спартыўнага сеансу таксама выкарыстоўвалі і снегаходы. Цяперашняя зіма і ў Беларусі, і ў Расіі дазваляе карыстацца ўсім асартыментам інвентару. Пазней пратаколам сустрэчы быў прадугледжаны і сумесны абед.Сёння экспертная супольнасць актыўна абмяркоўвае вынікі вялікіх перамоў. У прыватнасці, інтэграцыйны парадак дня. Тут ужо праведзена вялікая работа. Прэзідэнт Беларусі нагадаў, што раней было абазначана каля 30 напрамкаў па развіцці супрацоўніцтва, дарожных карт. І раней кіраўнікі дзяржаў дамовіліся, што ўрады дзвюх краін папрацуюць над імі: абновяць і мадэрнізуюць, што і было зроблена.
Асноўная частка перамоў двух лідараў доўжылася каля гадзіны. У спектры тэм таксама былі міжнародныя пытанні і выклікі ў сферы ваеннай бяспекі.
